Deputeti i Lëvizjes Vetëvendosje, Eman Rrahmanaj në emisionin “Info Nata” në Tëvë1 ka folur për 1-vjetorin e “Qeverisë Kurti 2”. Rrahmanaj ka thënë se nëse e krahasojmë me qeveritë e kaluara, është një ndryshim i madh.
Sipas tij, gjatë qeverisjes 1-vjeçare të Kurtit, nuk ka pasur raste të korrupsionit.
“Nëse e krahasojmë me qeverisjet e kaluara është një ndryshim i madh për shkak që nuk kemi raste të akuzave për korrupsion e kemi një luftim të krimit të organizuar të dukshëm ku qdo ditë kemi arrestime, konfiskime të kontrabandës, luftimin e fajdeve, zbulimin e shumë vendeve të prodhimit të narkotikëve pastaj aktivitete për krimin e sundimit të rendit të ligjit edhe në veri por edhe gjithë Kosovën”, ka deklaruar Rrahmanaj.
Ai më tej ka thënë se Kosova ka një rritje ekonomike prej 9.9% që nuk ka pasur asnjëherë që nga pas lufta.
“Në aspektin e sigurisë ka qenë në nivel tjetër se sa që ka qenë në vitet e kaluara. Kemi një rritje ekonomike prej 9.9% tashmë edhe zyrtare nga banka qendrore të vërtetuar që nuk ka pasur asnjëherë që nga paslufta një rritje të tillë ekonomike”, tha Rrahmanaj.
Deputeti i LVV-së, tha se rritja e çmimeve të produkteve kohëve të fundit është kryesisht për shkak të importeve, por edhe pandemisë.
“Kemi pasur një rritje të çmimeve të produkteve bazë që është kryesisht për shkak të importeve, por edhe pandemia dhe efektet e saj që kanë ndikuar jo vetëm në Kosovë por edhe gjithë Evropën. Po punojmë që këto ngritje të çmimeve të jenë të kontrolluara dhe të mos devijojnë”, tha ai. /teve1.info/
