Nga 546 euro pagë mujore të cilën e merr një edukator në Kosovë, në vitin e ardhshëm do ta ketë 572 euro.
Kjo pas vendimit të Qeverisë së Kosovës që vlera e koeficientit të rritet nga 105 euro në 110.
E rritje 28 euro në pagë do të kenë edhe mësimdhënësit e shkollave fillore, kurse ata të shkollave të mesme nga viti i ardhshëm do të marrin 29 euro më shumë.
Por kjo rritje është e pamjaftueshme sipas kryetarit të Sindikatës së Bashkuar të Arsimit, Rrahman Jasharit.
Nga kjo sindikatë më herët kishin dorëzuar kërkesë që vlera e koeficientit të jetë 130 euro.
Por, Jashari thotë se aktualisht shpresat i ka tek të zgjedhurit e popullit.
Edhe sipas ekonomistit, Haki Shatri i cili është anëtar i Aleancës për ardhmërinë e Kosovës, kjo rritje është e ulët.
Shatri kërkon që së paku vlera e koeficientit të jetë 129 euro.
Ligji i Pagave në sektorin publik ka hyrë në fuqi më 5 shkurt 2023.
