Një përleshje fizike mes disa personash ka ndodhur të shtunën në Aeroportin Ndërkombëtar të Prishtinës, si pasojë e një mosmarrëveshjeje të çastit.
Policia e Kosovës ka njoftuar se, lidhur me rastin, janë arrestuar tre të dyshuar, njëri prej të cilëve shtetas i Shqipërisë.
Të dyshuarit e lënduar gjatë përleshjes kanë pranuar tretman mjekësor, ndërkohë, dy persona të tjerë të përfshirë në incident janë larguar nga vendi i ngjarjes me një veturë me targa të Shqipërisë dhe aktualisht janë në kërkim nga autoritetet.
Pas intervistimit në stacionin policor, me vendim të prokurorit, tre të dyshuarit e arrestuar janë dërguar në mbajtje.
“Janë arrestuar tre të dyshuar meshkuj kosovarë njëri nder ta Shtetas i Shqipërisë, pasi që të njëjtit pas një mosmarveshje të çastit ka kaluar në rrahje në mes veti. Të dyshuarit kanë pranuar tretman mjekësor . Dy si të dyshuar të tjerë pjesëmarrës në rast janë larguar nga vendi i ngjarjes me një veturë me targa të Shqipërisë. Pas intervistimit me vendim të prokurorit të njëjtit janë dërguar në mbajtje”, thuhet në raportin 24-orësh të Policisë.
