Pesë persona janë rrahur mes vete pasditen e së hënës, në sheshin “Nënë Terezë” në Prishtinë.
Lajmin për tëvë1.info e ka bërë të ditur zëdhënësi i Policisë për rajonin e Prishtinës, Agron Borovci.
Sipas Borovcit, pesë persona janë shoqëruar në stacionin policor, ndërsa tre të tjerë të lënduar kanë marrë trajtimin e nevojshëm mjekësor.
“Rreth orës 12:30 është pranuar informata për një rrahje në mes të disa personave, të ndodhur në sheshin “Nëna Terezë” në Prishtinë. Policia ka dalë në vendin e ngjarjes, ka ndërmarrë veprimet e nevojshme dhe ka shoqëruar në stacionin policor pesë persona. Aktualisht po ndërmerren të gjitha veprimet e nevojshme operativo-policore me qëllim të zbardhjes së plotë të të gjitha rrethanave që karakterizojnë ngjarjen”, deklaroi Borovci./teve1.info/
