Sulmi që pësoi një e moshuar nga një infermiere, i mblodhi bashkë gjithë këta persona të premten, për të kërkuar drejtësi.
Vendi përreth u mbush me fotografi të të dyshuarës, Aurona Pelaj, këtu në Gjakovë.
Për veprën e saj po kërkohet dënim i merituar.
Emocionet shtohen kur përmendet djali i të moshuarës, dëshmori Taulant Nura – i cili ra heroikisht në malet e Çabratit, 23 vjet më parë.
Fjalët nuk i kurseu as vajza e viktimës.
Ajo po thotë se nëna e saj, kishte shenja dhune që një kohë të gjatë.
Derisa e akuzuara Aurona Pelaj, para prokurorit dhunën e arsyetoi si vetëmbrojtje, përgjigjen po e merr nga familjarët e të moshuarës.
Protestuesit u shpërndanë të qetë dhe me shpresë për dënim të të akuzuarave.
Për rastin që ndodhi në shtëpinë e të moshuarve “Orenda” në Pejë, tri infermiere tashmë janë duke vuajtur dënimin me nga një muaj paraburgim.
Derisa pati reagime të shumta si brenda, ashtu edhe jashtë Kosovës.
Kronika e gazetarit Arton Rama.
