Ministrja në detyrë e Industrisë, Ndërmarrësisë dhe Tregtisë, Rozeta Hajdari, ka deklaruar se nuk ka marrë ftesë nga Gjykata për seancën e sotme që lidhet me çështjen e rezervave shtetërore të mallrave.
Kjo deklaratë erdhi pavarësisht konfirmimit të gjyqtarit gjatë seancës, i cili tha se thirrja është dërguar sipas procedurave ligjore.
Në një postim publik, Hajdari theksoi se nuk ka qenë e njoftuar zyrtarisht për seancën:
“Të nderuar qytetarë,
Për seancën e sotme gjyqësore, lidhur çështjen e rezervave shtetërore të mallrave, ju njoftoj se unë nuk kam pranuar ndonjë thirrje për seancë nga ana e Gjykatës!
Në momentin që e pranojë thirrjen nga Gjykata, për seancën e ardhshme, do të paraqitem në seancë gjyqësore!”
