Portugalia ka shkëlqyer në pjesën e parë për fitore të thellë ndaj Bosnjë-Hercegovinës, pasi të hënën mbrëma në Zenicë, portugezët fituan 5:0. Të gjithë golat, Portugalia i shënoi në pjesën e parë. Cristiano Ronaldo realizoi penallti në minutën e pestë, ndërsa gol tjetër realizoi në minutën e 20-të.
Ronaldo tani i ka 40 gola këtë vit, si asnjë futbollist tjetër. Bruno Fernandes, Joao Cancelo dhe Joao Felix shënuan golat e tjerë. Në pjesën e dytë Portugalia uli ritmin dhe rezultati mbeti 5:0 deri në fund. Portugalia tashmë është kualifikuar në Euro 2024. Udhëheq në grupin J me 24 pikë.
Pra i ka fituar të gjitha tetë ndeshjet e deritashme. Bosnja është pa gjasa. Renditet e parafundit me nëntë pikë.
Derisa një 11-metësh i fituar në fundin e sfidës dhe I shndërruar në gol nga Virgil van Dijk i dha fitoren Holandës në fushën e Greqisë dhe njëkohësisht vendin e dytë në Grupin B.
Një sfidë plot emocione, pasi një fitore e mundshme e Greqisë do ta nxirrte jashtë loje përfaqësuesen portokalli.
Duhet theksuar se Holanda pati mundësinë për ta mbyllur më herët takimin, por Wout Weghorst gaboi përballë Vlachodimos.
Gjithsesi, një tjetër 11-metërsh, jo pak i dyshimtë (u konfirmua nga sistemi VAR), i dha një tjetër shans Holandës, të cilin e shfrytëzoi mbrojtësi i Liverpoolit.
