Cristiano Ronaldo do të jetë pjesë e Portugalisë për Kampionatin Evropian që mbahet këtë verë në Gjermani.
Selektori i Portugalisë, Roberto Martinez të martën e ka bërë publike listën e tij prej 26 futbollistëve të ftuar për “Euro 2024”.
Sulmuesi i ekipit nga Arabia Saudite, Al-Nassr, Ronaldo do ta udhëheq Portugalinë në këtë Evropian, që mund të jetë ngjarja e fundit e madhe për yllin portugez.
Para Evropianit, Portugalia do ti luajë tri ndeshje miqësore: me Finlandën (4 qershor), Kroacinë (7 qershor) dhe Irlandën (11 qershor).
Në “Euro 2024”, Portugalia është pjesë e Grupit F që përbëhet edhe nga Turqia, Çekia e Gjeorgjia.
