Federata e Futbollit të Kosovës ka ndarë çmimin “Ylli i Javës”.
Ky çmim për javën e 26-të në Superligë i është ndarë futbollistit të Prishtinës, Ron Raqi.
Vlerësimi i më të mirit të javës është bërë nga Komisioni i Veteranëve të Futbollit, në përbërje të Avni Shala, Enes Shosholli dhe Vllaznim Visoka.
Ky komision vendosi që çmimi “Ylli i Javës” për xhiron e njëzet e gjashtë t’i takojë mbrojtësit Raqi, i cili me golin e tij i mundësoj Prishtinës të arkëtoj tre pikë në fitoren kundër FC Feronikeli 74, e cila përfundoi me rezultat 2:1.
Pasi mori këtë çmim, Roni shpreh i lumtur që u vlerësua si më i miri i javës: “Kemi pasur kohë të mjaftueshme për ta përgatitur ndeshjen, e cila ishte mjaft e rëndësishme. E dimë që pas një kohe të gjatë nuk kemi qenë mirë me rezultate, por shpresoj që kjo fitore të na japë më shumë motiv dhe të jetë një pikë kthese për rezultatet pozitive” tha Raqi.
Për talentin Raqi, kjo është hera e parë që dekorohet me çmimin “Yll i Javës”.
