Mbrojtësi Cristian Romero ka firmosur kontratë të re me skuadrën e Tottenhamin.
Ekipi nga Londra, të hënën ka bërë të ditur marrëveshjen për kontratën e re me Romeron, të cilën edhe e ka zyrtarizuar.
Tottenhami nuk ka dhënë detajet, por ka shkruar se Romero ka firmosur kontratë të re afatgjate dhe do të jetë pjesë e klubit për një periudhë të gjatë.
Megjithatë, mësohet se me kontratën e re, argjentinasi do të jetë pjesë e Tottenhamit deri në verën e vitit 2029.
Kontrata e mëparshme, Romeros i skadonte në vitin 2027 kurse është pjesë e Tottenhamit prej vitit 2021.
Romero këtë sezon është kapiten i Tottenhamit, ekip për të cilën ka regjistruar 126 paraqitje në të gjitha garat dhe ka shënuar tetë gola.
27-vjeçari vlerësohet si njëri prej lojtarëve kryesor të trajnerit Thomas Frank.
