Ambasadori i Gjermanisë në Kosovë, Jorn Rohde ka thënë se është i shqetësuar me ngërçin politik dhe institucional në Kosovë.
Ai në një postim në rrjetet sociale pas takimit që ka zhvilluar të martën me presidenten Osmani, ka thënë se poashu se është i shqetësuar edhe mbi diskursin publik ndaj vendimeve gjyqësore.
“Faleminderit Zonja Presidente për diskutimin e mirë! Në takim shpreha shqetësimin tim për ngërçin e vazhdueshëm politik dhe institucional, si dhe për diskursin publik të kohëve të fundit që hedh dyshime mbi vendimet gjyqësore, pasi zhvillime të tilla rrezikojnë të gërryejnë besimin e publikut në pavarësinë dhe integritetin e gjyqësorit”, thuhet në postimin e tij.
Kujtojmë se Kuvendi i Kosovës zgjodhi kryeparlamentarin pas 58 tentimeve për konstituim të Kuvendit.
Procesi i konstituimit pësoi ‘ngërç’ edhe në zgjedhjen e nënkryetarit nga komuniteti serb.
Kryeparlamentari Basha mbylli seancën konstituive pas dështimit të zgjedhjes së nënkryetarit të pestë nga komuniteti serb
