Ambasadori i Gjermanisë në Kosovë, Jorn Rohde, ka thënë se akuzuat e Serbisë ndaj Kosovës për mbështetje të protestuesve atje janë të pabaza.
Rohde në një shpërndarje që i ka bërë reagimit të Ministrisë së Jashtme të Gjermanisë për sulmet ndaj protestuesve në Beograd ka thënë se veprime të tilla tejkalojë çdo kufij.
Ai poashtu ka përmendur edhe ndërhyrjen e Serbisë në zgjedhjet në Kosovë.
“Këto sulme dhe fushata shtrihen përtej kufirit serb. Siç theksoi shefi i EEOM Loiseau, Serbia ndërhyri në zgjedhjet e Kosovës duke promovuar votat për Listën Serbe. Në të njëjtën kohë, Serbia në mënyrë të pabazë akuzon Kosovën për mbështetjen e protestave të vërteta në Serbi pa asnjë prove”, ka shkruar Rohde.
Aleksandar Popov, drejtor i Qendrës për Rajonalizëm ka akuzuar presidentin serb Vuçiq për tentim të frikësimit të protestuesve duke thënë se një gjë të tillë nuk do ta arrijë.
Vuçiq po përballe tash e disa muaj me presionin e protestave të studentëve të cilat po përkrahen edhe nga shtresa tjera në Beograd.
