Real Madridi dhe Rodri kanë arritur marrëveshje për transferimin e mesfushorit të Spanjës në “Santiago Bernabeu”.
Mësohet se Rodri ka njoftuar Manchester Cityn dhe po pret që skuadra angleze të arrijë marrëveshje me Realin, pasi dëshira e mesfushorit është të kthehet në Spanjë për të luajtur për “Galaktikët”.
Klubi spanjoll ka kërkuar nga City që ta ulë çmimin prej 75 milionë eurosh për Rodrin, duke bërë me dije se ai ka kontratë deri vitin tjetër dhe se nuk e ka ndërmend të paguajë mbi 50 milionë euro.
Rodri është në pritje të marrëveshjes mes klubeve, pasi tashmë ka refuzuar një kalim eventual te Barcelona apo Paris Saint-Germaini.
Ai, tashmë ka marrëveshje në parim me Real Madridin, klub me të cilin do të firmos kontratë deri në verën e vitit 2031.
30-vjeçari është pjesë e Cityt prej vitit 2019 kurse javë më parë, e fitoi titullin e botës me Kombëtaren e Spanjës.
