Brenda një viti gjashtë punëtorë që kanë punuar në kompaninë vendore dhe janë larguar drejt shteteve të Perëndimit.
Në mungesë të punëtorëve të rinj, zëvëndësimi i të larguarve po bëhet nga robotët.
Ky robot i cili është prodhim Italian, sipas drejtuesëve të kësaj kompanie zëvëndëson tre punëtorë.
“Kjo ka ardhë edhe me tendencat që ka ec tregu po edhe me ikjen e punetoreve… robot i zëvëndëson ndoshta dy ose tre persona po duhet me qenë dikush që me manovru me të…”, thotë Vjosa Ukaj -menaxhere.
Ajo thotë se ikja e punëtorëve i shkaktoi kompanisë që prodhon karriga dhe tavolina edhe prishje të zingjirit të prodhimit.
“Lëvizje të punëtorëve ka nga viti i kaluar me këtë vit por nuk ka qenë ndonjë lëvizje e madhe 5-6 përsona, kjo i ka shkaktu kompanisë pak prishje të zingjirit të prodhimit po për një kohë të shkurtë është zëvëndësu…”, shprehet Ukaj.
Nga Oda Ekonomike e Kosovës thonë se qeveria duhet të ketë strategji që të ndalet ikja e të rinjve nga vendi.
E njohësi i fushës së ekonomisë, Besnik Avdiaj mungesën e fuqisë punëtore që nga 1 janari i vitit të ardhshëm me rastin e vendimit për liberalizimin e vizave e cilëson si propagandë derisa thotë se nuk është e qëndrueshme.
Megjithatë, në vend po vlerësohet se vendimi për liberalizimin e vizave për shtetasit e Kosovës që nga 1 janari i vitit të ardhshëm mund të shkaktoj mungesë edhe më të madhe të fuqisë punëtore gjë që do t’u krijonte telashe edhe më të mëdha shumë bizneseve.
