Ajo ka thënë se me këtë marrëveshje të dyja vendet partnere janë zotuar të përmirësojnë të tashmen dhe të ardhmen energjetike të Kosovës.
“Sektori i energjisë në Kosovë ka qenë në nevojë urgjente për investime për vite me radhë, Qeveria e Kosovës dhe MCC kanë identifikuar mungesën e furnizimit të besueshëm me energji elektrike si pengesë kryesore për zhvillim ekonomik të Kosovës. Me nënshkrimin e kësaj marrëveshje të dyja vendet partnere janë zotuar të përmirësojnë të tashmen dhe të ardhmen energjetike të Kosovës, duke stabilizuar furnizimin me energji elektrike dhe përshpejtuar tranzicionin e saj drejt karbonizimit të energjisë”, tha ajo.
Tutje, ajo theksoi se projekti i parë në këtë program është blerja dhe instalimi i baterive me kapacitet të lartë, raporton teve1.info
“Projekti i parë në këtë program konsiston në blerjen dhe instalimin e baterive me kapacitet të lartë, këto bateri shërbejnë si rezerva të energjisë, të cilat do të përdoren për stabilizimin e frekuencës së luhatshme të rrymës, si pasojë e disbalancit të furnizimit dhe të konsumit”, tha Rizvanolli.
Ajo më tutje tha se përdorimi i baterive do të ndikoj në uljen e importit të shtrenjtë, teksa ka thënë se rezervat e energjisë do t’i kursejnë Kosovës minimum 15 milionë euro në vit.
“Përdorimi i baterisë do të ndikojë në një masë në uljen e importit të shtrenjtë. Një kalkulim preliminar i MCC-së është që rezervat e energjisë do t’i kursejnë sistemit elektroenergjetik të Kosovës minimum 15 milionë euro në vit, kjo vlerë parashihet të jetë edhe më e madhe kur rriten çmimet e energjisë, siç po ndodhë këto ditë”, ka thënë ajo./teve1.info/
