Ministrja e Ekonomisë, Artane Rizvanolli, ka thënë se Ndërmarrjet Publike Qendrore kanë pasur 101, 41 milionë euro fitim në vitin 2022.
Ajo tha se fitimi i ndërmarrjeve publike po rritet dita ditës, e performanca e tyre po përforcohet e shërbimet e tyre po përmirësohen.
“Në mbledhjen e fundit të Qeverisë miratuam Raportin vjetor të performancës së ndërmarreve publike për vitin 2022. 17 ndërmarrjet publike të cilat i raportojnë Ministrisë së Ekonomisë kanë mbyllur vitin 2022 me 101,41 milionë euro fitim, rritje domethënëse në krahasim me fitimin prej 21.3 milionë në vitin paraprak. Kjo përkundër faktit që subvencionet janë ulur në 12 milionë nga 22.2 milionë sa kanë qenë në vitin 2021. Dita ditës, fitimi i ndërmarrjeve tona publike po rritet, performanca e tyre po përforcohet e shërbimet e tyre po përmirësohen!”, ka shkruar Rizvanolli.
