Autore: Adea Mustafaj
Rizgjedhja e Abdixhikut ishte e pritshme
300 delegatë të Lidhjes Demokratike të Kosovës, të shtunën u thirrën në Kuvendin e partisë.
Krejt kjo, për të vendosur nëse duan apo jo, të vazhdojnë me Lumir Abixhikun si kryetar.
Ky i fundit, pavarësisht rezultatit jo të mirë në zgjedhjet e fundit, fatin politik të tij, ua kishte lënë në duar bashkëpartiakëve.
Më të filluar Kuvendi, atyre vet Abdixhiku iu drejtua për mbi 1 orë.
E fjalimi i kryetarit duket se dha rezultat.
Prej 300 delegatëve, 162 ishin pro që Abdixhiku të jetë i pari i LDK-së.
“Besoj që është bërë ajo e pritshmja pas ndryshimit të mendjes së kryetarit të LDK-së, Lumnir Abdixhikut nga dorëheqja në kërkim të votëbesimit. Si duket ishte bërë një kalkulim që prap mund të i fitoj votat…Tani nuk jep shumë hapësirë hapjes së dyrve të reformave në LDK, por është më shumë është një vazhdimësi e asaj që LDK ka bërë në vitet e fundit” , shprehet politologu Avdi Smajljaj.
Ai thotë se më e duhur do të ishte dorëheqja e parevokueshme.
“Rezultatet e zgjedhjeve e tregon më së miri. Që do të thotë mënyra e bërjes së reformave nuk ka qenë si duhet. Edhe si figurat e reja janë afrua në LDK nuk duket që ka pas shumë dallim në vlera nga figurat e vjetra. Është thelluar përçarja e LDK-së e cila i ka kushtua besoj edhe me këtë rezultat”, vlerëson Smajljaj.
LDK në zgjedhjet e fundit doli e treta, pas VV-së dhe PDK-së.
Ndërsa Lumnir Abdixhik, postin e të parit të partisë, e mori në vitin 2021.
