Rita Ora u bë një nga emrat më të përfolur të Javës së Modës në Paris, pas paraqitjes së saj në festën e Grand Palais të premten mbrëma.
Këngëtarja shqiptare me famë botërore, 34 vjeçe, tërhoqi vëmendjen me një fustan të zi transparent që linte të dukeshin të brendshmet ngjyrë argjendi dhe një bluzë provokuese me rripa të hollë.
Kombinimi i guximshëm, i shoqëruar me geta me shkëlqim dhe sandale argjendi, u cilësua si një nga daljet më të komentuara të mbrëmjes.
Flokët biondë të stiluar në pamjen “wet look” dhe buzëkuqi qershi i dhanë këngëtares një elegancë të veçantë, ndërsa në duar mbante një çantë të zezë elegante.
Rita u pa gjithashtu duke pozuar krah aktores Cynthia Erivo, duke tërhequr blicet e fotografëve në një ambient të mbushur me yje të mëdhenj të artit dhe modës.
Në eventin e organizuar nga revista EE72 morën pjesë figura të njohura si Helen Mirren, Jennifer Lawrence, Zendaya, Emma Stone dhe Meryl Streep, ndërsa Victoria Beckham, Kendall Jenner dhe Hailey Bieber u shfaqën me veshje elegante dhe klasike.
Me këtë dalje të guximshme, Rita Ora dëshmoi edhe njëherë se nuk ka frikë të eksperimentojë me stilin, duke u shndërruar në një nga figurat më të komentuara të Javës së Modës në Paris.
