Skuadra e Beshiktashit ka marrë një lajm të mirë në prag të ndeshjes kampionale kundër Kasimpashas që e luan këtë vikend.
Reprezentuesi i Kosovës, Milot Rashica është rikuperuar nga lëndimi dhe do të jetë i gatshëm për këtë përballje që zhvillohet të shtunën dhe i takon xhiros së 11-t të Superligës së Turqisë.
Rashica i mungoi Beshiktashit në tri ndeshjet e fundit në të gjitha garat për shkak të lëndimit të muskulit që e pësoi para dy javësh në fitoren e Kosovës 3:0 ndaj Qipros në kuadër të Ligës së Kombeve.
28-vjeçari pritet të jetë titullar te Beshiktashi që u mposht 2:1 të hënën nga Galatasaray dhe aktualisht zë vendin e katërt në tabelë me 20 pikë të mbledhura.
Rashica këtë sezon ka 1 gol të shënuar dhe 4 asistime në 7 ndeshje të zhvilluara në kampionatin turk.
