Erdhën për shpallje të vendimit.
Mirëpo, për të akuzuarit në rastin e njohur si “Veteranët”, procesi gjyqësor ende nuk përfundoi.
Trupi gjykues mori vendim që çështja të rihapet për edhe një seancë tjetër.
“Trupi gjykues ka vendosur të rihapet seanca e shqyrtimit gjyqësor vetëm edhe për një seancë gjyqësore për sqarimin e çështjeve konkrete në raport me numrin prej 19 mijë e 500 veteranëve të cekur në aktakuzën e Prokurorisë Speciale të Republikës së Kosovës”, tha Gazmend Bahtiri – kryetar i trupi gjykues.
Aktakuza e Prokurorisë Speciale, i ngarkon të gjithë anëtarët e Komisionit për Verifikimin e Statusit të Veteranit, për keqpërdorim të detyrës zyrtare, duke regjistruar si veteranë persona të cilët nuk kanë marrë pjesë fare në luftë.
E njëjta vlen edhe për njohjen e statusit të dëshmorit të kombit dhe invalidit të luftës.
Në mesin e të akuzuarve janë ish-kryeministri Agim Çeku, ish-ministri i mbrojtjes Rrustem Berisha, ish-deputetët Shkumbin Demalijaj, Nuredin Lushtaku, Shukri Buja dhe anëtarë të tjerë të komisionit.
E një sqarim në lidhje me seancën shtesë për të cilën vendosi trupi gjykues, mbrojtja e Rrustem Berishës thanë se veçse e kanë bërë.
“Ne kemi paraqitur gjitha provat tona me qëllim që t’i rrëzojmë pretendimet e prokurorisë për secilin veteranët të pretenduar që është i rrejshëm në brigadën 138, të udhëhequr nga Rrustem Berisha”, thotë avokati, Artan Qerkini
E për avokatin e Faik Fazliut, Naim Rudari rihapja e çështjes është e panevojshme.
“Ne vlerësojmë se ishte e panevojshme, ndoshta edhe e paarsyeshme, meqenëse nuk e dijmë se çfarë ka menduar trupi gjykues meqë e kanë rihapur. Por nuk ishte fare kontestuese, e tek numri i përgjithshëm i veterëanve që pretendon prokuroria se janë të rrejshëm, ka jashtëzakonisht dilema e paqartësi”, vlerëson ai.
Sipas aktakuzës, dëmi i cili iu shkaktua buxhetit të shtetit nga të akuzuarit është në vlerë prej mbi 88 milionë euro.
