Rifat Jashari, vëllai i komandantit legjendar të UÇK-së, Adem Jashari, sot po feston ditëlindjen e tij. Me këtë rast, kryetari i AAK-së dhe ish-komandant i Ushtrisë Çlirimtare të Kosovës, Ramush Haradinaj, i ka dedikuar një urim të veçantë.
Përmes një postimi në Facebook, Haradinaj i ka uruar Rifat Jasharit edhe shumë vite të tjera me shëndet e mbarësi.
“Baca Rifat, gëzuar ditëlindjen! Të uroj edhe shumë vite të tjera, gjithmonë pranë nipërve e mbesave, me shëndet dhe mbarësi!”, ka shkruar Haradinaj.
Rifat Jashari, si pjesë e familjes Jashari nga Prekazi, vazhdon të mbetet një figurë e respektuar në vend për rolin e familjes në historinë e Kosovës.
