Profesori universitar, Dritëro Arifi vlerëson se arsimi në Kosovë nuk mund të rregullohet lehtë.
Arifi thotë se rezultatet e publikuara sot të testit PISA janë edhe “turp edhe i partive politike”, pasi të njëjtit, siç thotë ai, nuk kanë guxim të flasin.
“Duhet me të vërtetë me qenë njerëzit kompetentë. Këtu politika duhet me heq dorë, krejt partitë politike duhet me u turpëru. Ky është turp edhe i partive politike. Edhe i elitës intelektuale. Se s’kanë guxim me fol. Se i marrin pagat prej publikut dhe shohin rrijnë, s’flasin…opozita edhe ajo është fajtore. Të gjithë janë fajtorë. Arsimi duhet të jetë politikë nacionale, sepse e determinon të ardhmen e një vendi”, deklaroi ai në “Këndi i Debatit” në Tëvë 1.
Në bazë të rezultateve të publikuara sot nga testi PISA, Kosova renditet pothuajse në fund në të gjitha kategoritë.
Nga 80 shtete pjesëmarrëse për lexim, Kosova ka zënë vendin e 76-të, derisa për shkencë vendin e 77-të.
Gjithashtu edhe në matematikë, Kosova është renditur në vendin e gjashtë nga fundi. /Teve1.info/
