Komisioni Qendror i Zgjedhjeve (KQZ) ka nisur procesimin e rezultateve preliminare edhe për komunën e Prishtinës, ku janë publikuar të dhënat e para nga numërimi fillestar i votave.
Sipas përditësimit të sistemit në orën 19:44, në kryeqytet janë procesuar 39 nga gjithsej 262 vendvotime, që përbëjnë rreth 10.31% të totalit.
Lëvizja Vetëvendosje (LVV) është në epërsi me 50,25% ose 5,895 vota të përfshira në procesim.
Në vendin e dytë renditet Lidhja Demokratike e Kosovës (LDK) me 25.40% , ndërsa Partia Demokratike e Kosovës (PDK) ka marrë 16.28%
Aleanca për Ardhmërinë e Kosovës (AAK) aktualisht ka 3.89% këto rezultate fillestare.
KQZ pritet të vazhdojë përditësimin e rezultateve gjatë orëve në vijim, teksa procesi i numërimit po vazhdon në të gjithë vendvotimet e Prishtinës.
