Me 35.71 për qind të votave të numëruara nga zgjedhjet e 7 qershorit, janë publikuar edhe rezultatet e kandidatëve më të votuar brenda partive kryesore politike në vend.
Në Lëvizjen Vetëvendosje, më i votuari deri tani është Albin Kurti me 82,420 vota, i ndjekur nga Glauk Konjufca me 64,746 vota dhe Albulena Haxhiu me 37,517 vota. Në dhjetëshen e parë renditen edhe Hekuran Murati, Donika Gërvalla-Schwarz, Xhelal Sveçla, Avni Dehari, Hajrulla Çeku, Mimoza Kusari-Lila dhe Ejup Maqedonci.
Në Partinë Demokratike të Kosovës, Bedri Hamza kryeson me 39,474 vota. Pas tij renditen Përparim Gruda me 25,086 vota, Arian Tahiri me 21,870, Uran Ismaili me 19,665 dhe Sala Jashari me 13,847 vota. Në mesin e më të votuarve janë edhe Vlora Çitaku, Ganimete Musliu, Arben Mustafa, Mërgim Lushtaku dhe Enver Hoxhaj.
Në Lidhjen Demokratike të Kosovës, kryeson Vjosa Osmani-Sadriu me 26,173 vota, ndërsa pas saj vjen Lumir Abdixhiku me 23,675 vota. Doarsa Kica-Xhelili mban pozitën e tretë me 18,612 vota, e ndjekur nga Hykmete Bajrami dhe Avdullah Hoti. Në dhjetëshen e parë gjenden edhe Ukë Rugova, Kujtim Shala, Anton Quni, Armend Zemaj dhe Lutfi Haziri.
Ndërkaq, në Aleancën për Ardhmërinë e Kosovës, kandidati më i votuar deri tani është Ardian Gjini me 13,454 vota, duke lënë pas Ramush Haradinajn që ka marrë 12,129 vota. Në pozitat pasuese renditen Daut Haradinaj, Besnik Tahiri, Bekë Berisha, Burim Ramadani, Time Kadrijaj dhe Agim Çeku.
Për të parë rezultatet ndiqeni këtë link
