Divizioni për këto rezerva është në kuadër të Ministrisë së Industrisë, Ndërmarrësisë e Tregtisë, për të cilin nga viti 2010 ka hyrë në fuqi një ligj i veçantë.
Neni 7 i këtij ligji, obligon Qeverinë që përmes ministrit të Tregtisë, të paktën një herë në vit të raportoj para Kuvendit për gjendjen dhe administrimin e rezervave të mallrave shtetërore.
Në krye të këtij dikasteri nga marsi i vitit të kaluar është Rozeta Hajdari, e cila edhe pse po i mbush një vit pune si ministre ende s’e ka përmbushur këtë obligim ligjor.
Televizioni ka tentuar të marrë një qëndrim nga ministria për arsyen e mosraportimit, por nuk ka marrë përgjigje.
Ndërkohë, kryetari i Komisionit parlamentar për Ekonomi, Ndërmarrësi, Industri e Tregti, Ferat Shala, ka paralajmëruar thirrjen e një interpelance për ministren Hajdari, lidhur me këtë çështje.
DEK: Ferat Shala – Kryetar i Komisionit për Ekonomi, Ndërmarrësi, Industri e Tregti 2:15 – 2:29
Sipas Shalës, ky raportim është shumë i rëndësishëm sidomos tash me situatën me energji, pandemi dhe luftën në Ukrainë.
Me ligjin në fuqi, lloji, sasia dhe vlera e rezervave shtetërore janë sekrete shtetërore.
Megjithatë, ekonomisti Naim Jakaj konsideron se raportimi për to do duhej të bëhej, nëse është nevoja edhe në seancë të mbyllur për publikun.
Televizioni merr vesh se që kur raportimi në Kuvend për gjendjen dhe administrimin e rezervave shtetërore u përcaktua me ligj, asnjë ministër i Tregtisë nuk e ka përmbushur këtë obligim ligjor.
