Rexhepi thotë se një deklaratë e tillë ka qenë e pritshme, pasi Vuçiqi do që Serbia të jetë vetëm e serbëve.
“Kjo nuk është e rastësishme, është e pritshme nga partia që qeveris në krye me Aleksandar Vuçiqin e cila me këtë qasje tregon që Serbia nuk është multietnike, por është njëetnike, do që Serbia të jetë vetëm e serbëve. Kjo është ajo që ne sa vite e themi që jemi shumë, nuk jemi pak, këtë po e dëshmojmë se jemi shumë. Edhe pse ka tentime që ta ngadalësojnë këtë çështje”, tha ai në “Info Nata” në Tëvë 1.
Siç bën të ditur ai, në Medvegjë ka pasur shumë ngecje pasi shqiptarët nuk janë lënë që të regjistrohen, ndërsa edhe në Bujanoc ka pasur trysni.
Ai shtoi se deri tani në Preshevë janë regjistruar 57 mijë e 21 shqiptarë, në Bujanoc afër 52 mijë. teksa në Medvegjë janë 5 mijë e 500 të regjistruar. /Teve1.info/
