Profesori i Energjetikës, Vezir Rexhepi ka deklaruar se në Kosovë ende nuk janë krijuar kushtet e mirëfillta për liberalizimin e tregut të energjisë.
Sipas Rexhepit, tregu liberal është një proces që merr kohë dhe që paraprakisht duhet të analizohet mirë dhe pastaj të veprohet.
Ai ka theksuar se kjo situatë ka ardhur si pasojë e mungesës së stabilitetit energjetik në Kosovë dhe mungesës së ofertuesve të mjaftueshëm në treg.
“Faktikisht në vitin 2025 është themeluar Traktati i Komunitetit të Energjisë në Athinë dhe më pastaj në këtë proces është përfshirë edhe Kosova e cila ka marrë obligimet e veta të shkoj drejt harmonizimit të ligjeve të energjisë me Bashkimin Evropian. Në kuadër të kësaj është përfshirë edhe liberalizimi i tregut të energjisë në Kosovë. Unë mendoj që nuk janë krijuar ende kushte të mirëfillta për liberalizimin e tregut të energjisë sepse merr kohë, ky është një proces që paraprakisht duhet të analizohet mirë dhe pastaj të veprohet. Pse kemi ardhur në këtë gjendje? Faktikisht Kosova ende nuk ka stabilitet energjetik do të thotë nuk ka burime energjetike të cilat do të ishin të bollshme, nuk ka ofertues të mjaftueshëm që konsumatorët të cilët i përfshijnë këto dy pikat që janë cekur edhe në Zyrën e Rregullatorit për Energji, pra ato kompani të cilat kanë mbi 1 milionë euro qarkullim dhe kompanitë që kanë mbi 50 të punësuar të futen në tregun liberal. Kështu që kjo është një sfidë e madhe për këto dy katëgori”, ka thënë Rexhepi në emisionin “Këndi i Debatit” në Tëvë1.
Zyra e Rregullatorit të Energjisë (ZRRE) ka marrë vendim që nga 1 qershori i këtij viti bizneset të cilat kanë më shumë se 50 të punësuar dhe ato që kanë mbi 10 milionë euro qarkullim të kalojnë nga tregu i energjisë me çmime të rregulluara në treguan e lirë.
Për të kundërshtuar vendimin e ZRrE-së, Oda Ekonomike e Kosovës ka bërë të ditur se komuniteti i bizneseve të martën nga ora 10:00 do të protestojë.
Ndërkaq, përfaqësues të bizneseve kanë paralajmëruar se nëse nuk ka shfuqizim të vendimit, protestat do të vazhdojnë./teve1.info/
