Ai bën të ditur se për rastet me sëmundje terminale kur nuk mund t’u ofrojnë tretman shëndetësor brenda burgut, i referojnë për trajtim në Spitalin e Pejës apo edhe në Qendrën Klinike Universitare të Kosovës.
“Çdo shërbim të cilin ne nuk mund ta përfundojmë, nuk mund ta kryejmë në spitalin rajonal ose në Spitalin e Burgut të Dubravës i cili është spitali qendror i burgjeve të Kosovës, ne jemi për mirëmbajtje të diagnozave, për mirëmbajtje të atyre tretmanëve të cilët na vijnë me diagnoza të konfirmuara nga QKUK. Por nëse i përkeqësohet gjendja pacientit, atëherë ne e dërgojmë në Spitalin rajonal në Pejë ose edhe në QKUK, kur vijmë deri te terminali i asaj diagnoze…Spitali i Burgut të Dubravës i ka për momentin gjashtë mjekë që janë rregullisht 24 orë, kemi edhe 11 konsulentë specialistë, ku kemi ortopedin, psikiatrin e kemi të rregullt, stomatologun e kemi të rregull, i kemi dy psikologë të rregullt, ndërsa konsulentët që vijnë një herë në javë, po nëse është nevoja vijnë edhe më shpesh janë si fiziatri, radiologu, tekniku i radiologut, kirurgu, kardiologu, oftalmologu, dermatologu”, tha ai në emisionin “De Jure” në Tëvë1.
Për më shumë ndiqeni hulumtimin “Shërbimet shëndetësore në burgje”, i cili po transmetohet në “Tëvë1” dhe “Betimi për Drejtësi.
