Retkoceri në emisionin “Info Nata” në Tëvë1, tha se temë diskutimi ishte subvencionimi i ndërmarrjes regjionale “Pastrimi” për të cilën asamblisti i PDK-së thotë se e kanë gjetur në gjendje të rëndë.
“Ka qenë edhe një subvencionim për ndërmarrje regjionale ‘Pastrimi’ të cilën ndërmarrje e kemi gjetur në një gjendje të rëndë. Ka borxhe të grumbulluara të Deponisë së mbeturinave dhe si e tillë kjo deponi për të disatën herë në mungesë të marrëveshjes nga kompania është duke bllokuar deponimin dhe shkarkimin e mbeturinave ndërmarrje regjionale ‘Pastrimi’. Kjo ishte tema me të cilën ishim duke diskutuar. Kishim një fjali në lidhje me këtë nga anëtarët e LVV-së, të cilët kritikuan gjendjen për të cilën gjendje ishte lënë nga qeverisja e LVV-së, dhe për momentin është një menaxhimet që është zgjedhur qysh në vitin 2017”, ka thënë ai.
Retkoceri thotë se asamblisti i LVV-së, Berat Lahu është duke u kërkuar nga Policia për rastin “Brezovica”.
“Këto nuk u përfillen nga anëtarët dhe pastaj ishte një reagim i imi. Që më të drejtë i kam shtruar disa çështje edhe për z.Lahun. tash e një kohë është i hapur rasti “Brezovica” ku njëri ndër akterët është edhe Lahu i cili është duke u kërkuar dhe ka qenë i kërkuar nga policia”, tha Retkoceri.
Sipas tij, derisa qëndron akuza dhe barra mbi të, Lahu duhet të mos jetë prezent në skenën publike.
“I kam thënë se ne si persona publikë para se të ngrisim çështje dhe të kujdesemi për pastërtinë e kryeqytetit duhet pikë së pari se a jemi vërtetë të pastër dhe për çka është kërkuar Lahu i LVV-së në këtë rast”.
“…Derisa qëndron kjo akuzë dhe kjo barrë mbi të, ai duhet të përgjigjet dhe të mos jetë prezent në skenën publike”. /teve1.info/
