Reshjet e shumta të shiut sot kanë bërë që në disa pjesë të kryeqytetit të shkaktohen vërshime. Si pasojë e kësaj një veturë është bllokuar tek Stacioni i Autobusëve, teksa janë krijuar kolona të gjata të veturave.
Disa prej rrugëve kryesore në Prishtinë të enjten në pasdite dhe në mbrëmje ishin të mbushura me ujë.
Kjo pas reshjeve të shumta të shiut dhe stuhisë që vërshoi të enjten në kryeqytet.
Këto reshje shiu vazhduan edhe orëve të mbrëmjes duke shkaktuar edhe vështirësi në qarkullim.
Një veturë kishte mbetur e bllokuar tek Stacioni i Autobusëve si pasojë e këtyre reshjeve.
Po ashtu, gjatë kësaj kohe u pa edhe një kolonë e madhe e veturave në disa lagje.
Televizioni ka tentuar të marrë përgjigje nga Drejtoria e Shërbimeve Publike në kryeqytet se a kanë ndërmarrë ndonjë hap në këtë drejtim por që të njëjtit deri të publikimin e kësaj kronike nuk janë përgjigjur.
Vërshime janë shkaktuar edhe në disa rajone tjera të vendit ku është vështirësuar qarkullimi i veturave.
