Instituti Hidrometeorologjik i Kosovës ka njoftuar se për javën e ardhshme parashihen ulje e temperaturave të vlerave ekstreme dhe reshje të shiut. E hëna do të jetë kryesisht me diell, ku temperaturat minimale do të lëvizin ndërmjet 6-9 gradë celsius, e ato maksimalet ndërmjet 26-30 gradë.
Të martën do të jetë mot i vranët me intervale me diell.
Vranësirat në orët e vona thuhet se do të sjellin shi. Temperaturat do të shkojnë deri në 28 gradë.
Të mërkurën dhe të enjten moti do të jetë kryesisht i vranët dhe me reshje shiu.
“E mërkurë – Mot kryesisht i vranët dhe me reshje shiu të përcjella me shkarkime rrufesh. Temperaturat minimale do të lëvizin ndërmjet 7-9 gradë celsius, ndërsa maksimalet e ditës parashihen të lëvizin ndërmjet 10-13 gradë celsius. Do të fryjë erë kryesisht nga veriperëndimi me shpejtësi 1-7 m/s. E enjte-Mot kryesisht i vranët dhe me reshje shiu. Temperaturat minimale do të lëvizin ndërmjet 4-7 gradë Celsius, ndërsa maksimalet e ditës parashihen të lëvizin ndërmjet 10-13 gradë celsius. Do të fryjë erë e lehtë deri mesatare nga drejtimi i veriperëndimit dhe verilindjes”, thuhet në njoftimin e Institutit Hidrometeorologjik të Kosovës.
Ndërsa, mot me diell është parashikuar për të premten, por më temperatura më të ulëta nga 2-4 gradë celsius, e ato maksimalet 10-12 gradë.
