Shërbimi Spitalor Klinik dhe Universitar i Kosovës ka njoftuar se gjatë largimit të ujit nga Sektori Teknik i QKUK-së ka ndodhur rrjedhja në dy klinkat në fjalë, shkruan teve1.info
Në njoftim është bërë e ditur se pacientët kanë marrë shërbimet shëndetësore, pavarësishtë rrjedhjes së ujit në klinika.
“Si pasojë e reshjeve të vazhdueshme të shiut me instensitet të lartë, në tavanin e Klinikës së Syve dhe atë të Otorinolaringologjisë është grumbulluar sasi e ujit. Gjatë largimit të ujit nga Sektori Teknik i QKUK-së, ka ndodhur rrjedhja në dy klinikat në fjalë, por që nuk e ka penguar punën, meqë pacientët kanë marrë shërbimet shëndetësore”, thuhet në njoftim.
Ndryshe, reshjet e shiut janë duke vazhduar që nga dje, ku shumë qytete të Kosovës janë vërshuar nga uji dhe furnizimi me ujë të pijshëm është ndërprerë në disa komuna të Kosovës shkak i reshjeve të shiut.
