Si pasojë e reshjeve të shumta të shiut dhe borës ditëve të fundit në Kosovë, janë shkaktuar vërshime të cilat kanë vështirësuar disa rrugë të Kosovës për qarkullim.
Për këtë sot në mëngjes është bllokuar qarkullimi i një segmenti të rrugës Prishtinë-Ferizaj, si pasojë e kyçjeve ilegale në kanalet atmosferike.
Për këtë, ministri në detyrë i Infrastrukturës, Hysen Durmishi ka deklaruar se ekipet janë në terren duke punuar në shkarkimin e ujit dhe rruga pritet të hapet për qarkullim brenda ditës.
Ai tutje ka treguar edhe për disa rrugë të tjera të cilat kanë probleme me nivelin e lartë të ujit si dhe rrëshqitje të dheut./teve1.info/
