FIFA ka publikuar sot versionin më të ri të ranglistës botërore për përfaqësueset kombëtare në kategorinë e femrave, dhe lajmi i mirë vjen për Kombëtaren e Kosovës, e cila ka shënuar një ngritje të rëndësishme.
Pas fitores së fundit ndaj Estonisë, “Dardanet” janë ngjitur një pozitë më lart, duke kaluar nga vendi i 94-t në të 93-tin – një renditje që për momentin përfaqëson pozitën më të lartë historike për Kosovën në këtë listë prestigjioze.
Kjo ngritje është një tjetër dëshmi e progresit që po bën përfaqësuesja e femrave, e cila po punon me përkushtim për t’u rritur në arenën ndërkombëtare.
Ndërkohë, në krye të renditjes ka pasur një ndryshim të madh.
Pas një periudhe dominimi nga SHBA, vendin e parë tani e ka marrë Spanja, duke u konfirmuar si forca më e madhe aktuale në futbollin e femrave.
Suedia dhe kampionia e Evropës, Anglia, ndjekin në vendin e tretë dhe të katërt.
Progresi i Kosovës, edhe pse simbolik në numra, është një hap i madh në rrugën e zhvillimit të futbollit të femrave në vend, duke i dhënë kësaj kombëtareje edhe më shumë besim për të ardhmen.
