Nga 15 prilli, çdo 48 orë vjen në Kuvendin e Kosovës.
Dështimet e dhjetëra tentimeve për konstituim të institucionet ligjvënës, siç duket kanë bërë që njëri prej deputetëve të jetë i gatshëm të ndryshojë qasje.
Deputeti nga radhët e AAK-së, Bekë Berisha, deklaroi se është i gatshëm të votojë cilindo kandidat për kryekuvendar, në mënyrë që të zhbllokohet situata.
“Ne duhet të reflektojmë të gjithë. Duket se duan të bëjnë një mocion për çështjen e ndërrimit të votimit. Kur dalim në atë pjesën e votimit të hapur besoj që do të reflektojë unë së pari. Së pari unë do të reflektojë, së pari unë nuk dua që në kurriz të Kosovës të mbajë hidhërim me askënd. As nuk ma determinon mendimin poltik as opozita. Unë nuk jam opozitë, se këtu nuk dihet se kush do ta bëjë qeverinë”, ka thënë Berisha.
Një qasje të tillë, vlerësohet si e nevojshme që ta kenë edhe deputetët e tjerë.
“Ndoshta duhet të reflektonte tek deputetët e tjerë, sepse tani kemi hyrë në një fazë të gjendjes së jashtëzakonshme. Dhe në këtë fazë, duhet që njëra palë të lëshojë pe, sepse nëse vazhdohet kështu, atëherë normalisht që ne do të vazhdojmë pafundësisht me bllokimin e Kuvendit dhe me mos e institucioneve të një demokracie të nevojshme” , ka thënë Smajlaj.
Në rast të mos gjetjes së një ujdie, zgjedhjet e jashtëzakonshme konsiderohen si rrugëdalja e vetme.
“Zgjedhjet e reja janë të pashmangshme për shkak të bllokadimit të palëve dhe sidomos të partisë së parë. Duhet potencuar se përgjegjësia më e madhe është vetëm e partisë së parë, si në aspektin politik, ashtu edhe në atë kushtetues e juridik. Ata duhet t’i japin zgjidhje, pasi nuk janë të aftë për t’i dhënë zgjidhje. Kur kryeministri në tentativë nuk është i aftë për të bërë një kryetar të Kuvendit, imagjino për gjëra të tjera komplekse”, ka thënë Dritëro Arifi.
Seanca e radhës për tentativën tjetër për konstituim të Kuvendit, do të mbahet të hënën.
