Tash e disa ditë Prishtina po përballet me mbeturina të shumta përreth kontejnerëve nga mosgrumbullimi i tyre.
Kompania “Pastrimi” ka thënë se e ka bojkotuar punën për shkak se komuna i ka borxh 2.7 milionë euro. Ndërsa Komuna e ka akuzuar menaxhmentin për situatën e krijuar.
Për këtë punëtorët e kompanisë “Pastrimi” dolën për të protestuar para objektit të komunës së Prishtinës.
Borxhi që ka komuna ndaj kompanisë, punëtorët thonë po ua rrezikon atyre vendin e punës.
Për këtë në një lidhje telefonike ka folur edhe kryeshefi ekzekutiv i KRM “Pastrimi”, z. Petrit Reçica në emisionin “Ditari” në Tëvë1.
Reçica për protestën e bërë nga puntorët e kompanisë sot e sheh si një situatë të duhur nga ana e tyre.
Tutje ai ka kundërshtuar edhe deklaratën e komunës të cilën kanë thënë se nuk kanë kapacitet ta përfudndojnëpunë si duhet.
“Nuk është aspak e vërtet që ne nuk kemi kapacitet na kemi më shumë kamion edhe po ashtu kemi përvoj më të gjatë se gjithë ata të cilët dëshirojnë ta bjënë këtë punë sepse ne tash e sa vite kemi besimin e qytetarëve kjo po bëhet vetëm ta dëmtojnë kompanine e ‘Pastrimit'”,është shprehur Reçica.
Kryeshefi i kompanisë “Pastrimi”, Petrit Reçica ka mohuar gjithashtu se ekziston ndonjë marrëveshje zyrtare mes Komunës së Prishtinës dhe ndërmarrjes që ai drejton rreth menaxhimit të mbeturinave në kryeqytet.
“Nuk jam në dijeni për ndonjë marrëveshje. Isha në takim te Avokati i Popullit, komuna e ka kërku me shty për sot takimin e përbashkët dhe nuk ka ardhur. Unë nuk e di çfarë kanë diskutuar, por për marrëveshje zyrtarisht nuk jam njoftuar. Marrëveshje nuk ka, dhe nuk më kanë ftuar në takim për ndonjë marrëveshje,” shtoi Reçica.
Kryeshefi i “Pastrimit” ngriti dyshime edhe mbi përfaqësimin sindikal me të cilin, sipas komunës, ishte zhvilluar takimi.
Menaxhimi i mbeturinave, Brestovci shprehet i gatshëm për arritjen e një marrëveshje me “Pastrimin”
“Ajo që e ka taku në fillim ‘live’ nuk është sindikatë. Nuk e di unë as kush janë ata. Janë pjesë e ‘Pastrimit’, por sa e di unë nuk janë të regjistruar dhe nuk e di mbi bazën e çkafit janë taku. Janë pak dosta, ndoshta për atë i ka thirr në takim.Që 10 muaj ju kërkoj takim rregullisht, të ulemi dhe të zgjidhim problemin në tavolinë. Lëreni këto ping-ponga e lojëra të fëlliqura politike,” u shpreh Reçica.
Sa i përket kontratës prej 1.5 milion euro të përmendur nga Drejtori i Shërbimeve Publike, Bekim Brestovci, Reçica thotë se nuk është i sigurt për çfarë bëhet fjalë.
“Nëse bëhet fjalë për atë të prillit, unë i kam dërgu email katër herë për me më ftu me nënshkru. Por ajo nuk është fort për grumbullim të mbeturinave, ajo është për hapësira sipërfaqësore në ndonjë lagje, mini-park,” sqaroi ai.
