Real Madridi ka shënuar fitore të vështirë por shumë të rëndësishme për titull kampioni në Spanjë.
Antonio Ruediger e realizoi golin e fitores të mërkurën në mbrëmje në “Santiago Bernabeu”, kur Real Madridi e mposhti Mallorcan, 1:0.
Qendërmbrojtësi i madrilenëve realizoi në minutën e 78-të me asistim të Luka Modriqit.
Ndeshja i ka takuar xhiros së 19-të.
Mallorca pati dy raste të mira. Antonio Sanchezi e qëlloi transversalen pas gjuajtjes me kokë, ndërsa Samu Costa tentoi me gjuajtje të fuqishme, por e goditi vetëm shtyllën pingule.
Sulmuesi i Kosovës, Vedat Muriqi, nuk luajti për Mallorcan sërish shkaku i lëndimit.
Real Madridi mbetet i pamposhtur në 18 ndeshje në të gjitha garat.
Reali në 19 ndeshje të edicionit aktual ka grumbulluar 48 pikë, kurse Mallorca mbetet me 18 pikë.
