Në frymën e fundit, kampioni i Evropës, Real Madridi e vendosi përballjen e parë të Play-offit në Ligën e Kampionëve duke përmbys dy herë epërsinë e Manchester Cityt.
Në duelin në Ettihad, “Mbretërit” triumfuan 2:3, dhe ia dolën që dy herë nga disavantazhi të kthehen në lojë dhe të triumfojnë në duelin e parë.
Haaland shënoj për Cityn pas 19 minutave lojë që ishte rezultati i pjesës së parë.
Pas një ore lojë, Mbappe barazoj shifrat, por sërish Haaland, në minutën e 80-të ktheu avantazhin e vendësve.
Brahim Diaz vuri baraspeshën me golin për 2:2, derisa në kohën shtesë Bellingham goditi anglezët për rezultatin final, 2:3 për Realin.
Ndeshja e radhës luhet në Bernabeu, të mërkurën e ardhshme.
Në avantazh është edhe Juventusi, që me mund të madh triumfoi ndaj PSV Eindhoven, 2:1.
McKennie shënoj për “Zonjën e Vjetër” në fillim të ndeshjes, por në pjesën e dytë miqtë barazuan. Golin e fitores për Juventusin e realizoi Mbangula, gjashtë minuta para fundit, për ta dërguar skuadrën në Holandë me avantazh të lehtë.
Më lehtë kaluan PSG dhe B. Dortmund që shënuan fitore me rezultat 3:0 ndaj rivalëve të vet Brest përkatësisht Sporting.
