Real Madridi ka njoftuar se do të mbajë mbledhje urgjente të bordit, pasi planifikon të ndërmarrë hapat e radhës për akuzat për korrupsion që kishin të bëjnë me Barcelonën.
Klubi nga Katalunja dhe ish-presidentët, Sandro Rosell dhe Josep Maria Bartomeu, janë denoncuar zyrtarisht nga prokurorët, pasi çështja Negreira është bërë zyrtare.
Pretendohet se klubi ka bërë pagesa prej 7 milionë eurove, nga viti 2001 deri në vitin 2018, për ish-zëvdendëspresidentin e Komitetit Teknik të Gjyqtarëve, Jose Maria Enriquez Negreira.
Klubi madrilen të shtunën publikoi komunikatën zyrtare ku thuhet se Bordi i Drejtorëve do të ketë takim urgjent të dielën, për t’i diskutuar veprimet e klubit.
“Për shkak të natyrës së akuzave të prezantuara nga Prokuroria e Barcelonës ndaj FC Barcelonës dhe dy ish-presidentëve të saj, të bazuara në dyshime të arsyeshme për korrupsion dhe për marrëdhëniet me ish-zëvëndëspresidentin e Komitetit Teknik të Gjyqtarëve, Jose Maria Enrique Negreira, presidenti ka kërkuar takim urgjent të Bordit të Drejtorëve nesër, të dielën më 12 mars 2023, në orën 12:00, në mënyrë që të vendos për veprimin e duhur të Real Madridit në lidhje me këtë çështje”, thuhet në njoftimin e Realit në faqen zyrtare të klubit.
Në rast se Barcelona shpallet fajtore, mund të përballet me sanksione të rënda sportive