Sulmuesi i krahut, Nico Williams do të jetë përforcimi i radhës te skuadra e Real Madridit, ka njoftuar “Marca” të mërkurën.
Bëhet e ditur se Reali tashmë ka marrë vendim për të paguar klauzolën e lirimit për Williamsin, i cili shihet si përforcim i rëndësishëm për ekipin madrilen.
22-vjeçari ka kontratë me Athletic Bilbaon deri në vitin 2027 dhe një klauzolë lirimi prej 58 milionë eurosh, të cilën Real Madridi do ta paguajë.
Ai mbetet ndër lojtarët më të vlerësuar në Evropë për pozitën e tij, ndërsa këtë sezon ka shënuar 11 gola dhe ka bërë 7 asistime në të gjitha garat.
Williams ka edhe 24 paraqitje dhe 4 gola të realizuar me Kombëtaren e Spanjës.
