Deklarata e ambasadorit amerikan në Kosovë, Jeff Hovenier, i cili tha se masat e dhunshme nga institucionet e policisë kosovare në veri duhet të ndalën menjëherë ka ngjallur reagime të shumta.
Këshilltarja lokale e Bashkimit Evropian, Kati Shchneeberger ka thënë se nëse ndonjëherë është pyetur presidenti i Serbisë, Aleksandar Vuèiq për provokimet e tij.
“A keni pyetur tashmë@avucic për të ndalur provokimet e tij? Kjo do të ishte shumë më e rëndësishme. Do të trajtonte shkaqet dhe jo simptomat”, ka shkruar ajo.
Kurse, gazetarja, Alisa Braho ka thënë se një deklaratë e tillë nga ambasadori amerikan është e pabesueshme.
“E pabesueshme”, ka shkruar ajo shkurtë në reagimin e saj.
Ndërsa, fotoreporteri, Vudi Xhymshiti ka thënë se kjo deklaratë është skandaloze dhe si e tillë është duke e mbështetur regjimin fashist të Serbisë.
“Në një shfaqje mahnitëse të hipokrizisë dhe falimentimit moral, 🇺🇸 Ambasada e SHBA-së në Prishtinë@USEmbPrishtina është 🎬 kapur duke u angazhuar në propagandë në mbështetje të 🇷🇸 regjimit fashist të Serbisë. Në një shembull veçanërisht skandaloz, ambasada lëshoi një postim në Tëitter 👇🏻 duke dënuar autoritetet kosovare për përpjekjen për të ushtruar të drejtën e tyre ligjore për të hyrë në ndërtesat komunale në veri të vendit, duke bërë thirrje për ndalimin e menjëhershëm të atyre që i quajti “masa të dhunshme”, ka shkruar ai.
Kurse, ish-ministri i punëve të jashtme, Petrit Selimi ka thënë se një deklaratë e tillë është pritur.
“Kjo ishte e pritshme. Aleatët tanë kryesorë na paralajmëruan javën e kaluar. Ne po hyjmë në gracka me dëshirë për pa dividentë përsa i përket sigurisë së të gjithë qytetarëve tanë apo sigurisë së republikës sonë”, ka shkruar ai.
Ndërsa, ish-kryetari i Prishtinës, Shpënd Ahmeti ka thënë se ky është reagimi më i ashpër i bërë nga SHBA ndonjëherë.
“Pa komentuar nëse e kanë mirë apo gabim, ky është reagimi më direkt dhe më i vrazhdë i ShBA-ve deri tash mbi situatën në vitet e fundit.” – u shpreh Ahmeti në një postim në Twitter.
Deklaratës së ambasadorit i kanë reaguar edhe qytetarë të shumtë të cilët kanë thënë se janë të dëshpëruar nga kjo qasje karshi Kosovës.
