Policia e Kosovës përmes raportit 24-orësh, ka bërë të ditur se si pasoj e të shtënave me armë zjarri lëndime trupore ka pësuar një person i cili vazhdon trajtimin mjekësor në QKUK.
Sipas PK-së, si pasoj e xhamave të thyer lëndime kanë pësuar edhe dy kalimtarë të rastit, të cilësve iu është ofruar tretman mjekësor.
“Rr. Nuhi Gashi, Podujevë 25.10.2022 – 15:42. Raportohet se ka ndodhur një përleshje në mes të dy familjeve ku ka pasur edhe të shtëna me armë zjarri. Si pasoj e të shtënave me armë zjarri lëndime trupore ka pësuar i dyshuari mashkull kosovar i cili vazhdon trajtimin mjekësor në QKUK, pastaj si pasoj e xhamave të thyer lëndime kanë pësuar edhe dy kalimtarë të rastit, viktimat meshkuj kosovar të cilëve iu është ofruar tretman mjekësor e më pas janë liruar për në shtëpi”, thuhet në raportin e Policisë.
Nga Policia kanë thënë se në lidhje me rastin dy persona janë arrestuar ndërsa dy të tjerë janë në arrati.
“Njësitë relevante policore kanë dalur në vendin e ngjarjes, kanë arrestuar dy të dyshuar meshkuj kosovar, ndërsa edhe dy të dyshuar janë në arrati. Me vendim të prokurorit të dyshuarve iu caktohet masa e ndalimit, njëri i dyshuar është dërguar në qendrën e mbajtjes ndërsa tjetri vazhdon trajtimin në QKUK nën sigurimin e policisë. Rasti vazhdon të hetohet nga njësitet kompetente policore”, thuhet më tej në raport. /Teve1.info/