Shtatë persona raportohet se janë arrestuar sot në aksionin e sotëm policor në Kaçanik, lidhur me rastin e vrasjes së rreshterit Muhamed Lika.
Të gjithë të arrestuarit janë dërguar në stacionin policor, ku brenda pak orësh do të intervistohen nga prokurori i rastit.
Për rastin ka folur edhe Policia e Kosovës e cila ka bërë të ditur se aksioni ndërlidhet me vrasjen e rreshterit policor, Muhamed Lika.
“Policia e Kosovës, me njësitë e saja relevante pas hetimeve intensive, sot në orët e hershme të mengjesit ka filluar një operacion policor, i cili ndërlidhet me rastin e vrasjes së Rreshterit policor Muhamed Lika në Kaçanik. Pas përfundimit të operacionit policor, do të bëhen publike informacione shtesë”, ka thënë zëdhënësi Baki Kelani për teve1.info
Pas nisjes së këtij aksioni ka reaguar edhe deputeti, Xhelal Sveçla.
“Muhamed Lika, familja e tij, Policia e Kosovës, populli dhe shteti kërkojnë dhe meritojnë drejtësi”, ka shkruar ai në Facebook.
Rreshteri Lika është vrarë më 1 prill në hyrje të ndërtesës së tij.
Njësia Speciale me aksion në Kaçanik, lidhet me vrasjen e policit Muhamed Lika
