Është hera e fundit që erdhi në shqyrtim gjyqësor.
Meqë të enjten Naser Pajazitaj, do të hyjë në këtë gjykatore për ta marrë verdiktin e katërt të gjykatës, për akuzën vrasje e rëndë.
Ndaj të njëjtit, prokurorja Valbona Dishaj Haxhosaj, kërkoi dënim të përjetshëm.
Ajo numëroi një për një provat, të cilat sipas saj vërtetojnë krimin.
E ndryshe tha mbrojtja në fjalën e saj përfundimtare, ku kërkoi lirimin e Naser Pajazitaj.
Madje avokati i Naser Pajazitaj, pretendon se viktima nuk ishte vrarë në vendin ku u gjet trupi i saj.
Këtë pretendim e kundërshtoi prokurorja Dishaj Haxhosaj.
E kompensim dëmi kërkuan familja e viktimës.
Vepra për të cilën pritet vendimi i Gjykatës, ndodhi në vitin 2015, në bjeshkët e Strellcit të Deçanit.
Raporti i gazetares Florijeta Dernjani.
