Lajmin për teve1.info e ka konfirmuar zëdhënësi i policisë rajonale të Prizrenit, Shaqir Bytyqi.
Ai tha se për hetime të mëtejme me rastin do të merret drejtoria për krime të rënda në Prishtinë.
“Gjashtë persona të arrestuar më herët lidhur me dyshimin për përfshirje në rastin ‘Vrasje e rëndë’ dhe pjesmarrje në rrahje, me urdhër të prokurorit të rastit ndalohen në ndalim policor për 48 orë”, ka thënë Bytyqi.
Ndryshe, Drejtoria e Inspektoratit të Prizrenit ka mbyllur lokalin “Kobra City” ku dyshohet se filloi një përleshje e që përfundoi me vrasjen e një personi nga Kukësi.
Vrasja dyshohet se ka ndodhur pas konfliktit lidhur me pagesën e faturës së shërbimeve në lokalin “Kobra City”.
E zëdhënësi i policisë rajonale të Prizrenit, Shaqir Bytyqi, konfirmoi për teve1.info se të dyshuarit i është bastisur shtëpia dhe lokali “Kobra City” në Prizren.
Sipas Bytyqit, janë gjetur tri gëzhoja jashtë lokalit.
Ndryshe, si pasojë e gjuajtjes me armë zjarri mëngjesin e sotëm policia shqiptare ka njoftuar vdekjen e 31-vjeçarit me iniacialet V. C., dhe plagosjen e R. Sh., 27 vjeç, të dy nga Kukësi.
Të njëjtit po barteshin me automjet nga shtetasi A.B., në drejtim të spitalit rajonal të Kukësit.
31-vjeçari vdiq rrugës për në spital, teksa i plagosuri po qëndron nën kujdesin e mjekëve dhe raportohet se është jashtë rrezikut për jetë./teve1.info
https://teve1.info/lajmet/vrasja-e-31-vjecarit-mbyllet-lokali-kobra-city/
