Në njoftimin e këtij Spitali është bërë e ditur se është shkarkuar drejtori mjekësor dhje drejtori për infermieri.
“Në kuadër të masave lidhur me rastin e trajtimit të frytit të vdekur në Spitalin e Përgjithshëm në Pejë. Drejtori Ekzekutiv ka shkarkuar Drejtorin Mjekësor dhe Drejtorin për Infermieri. Shkarkimi është bërë si përgjegjësi direkte menaxheriale lidhur me rastin e frytit të vdekur”, thuhet në njoftim.
Një foshnje e lindur pa shenja jete ishte futur në rrobalarëse e mbështjellë me çarçafë nga personeli mjekësor në Spitalin e Pejës. Në lidhje me rastin, ishin suspenduar shtatë punonjës teksa dje është shkarkuar Shefi i Repartit të Gjinekologjisë dhe Kryeinfermierja e Repartit. /Teve1.info/