Dita e enjte do të jetë e veçantë për një fëmijë 7 vjeçar në Prishtinë.
Kjo pasi pritët që për herë të parë, të ulet në bankat shkollore.
Një familje nga Prishtina, së fundmi trokiti në dyert e shkollës “Pavarësia” në kryeqytet.
Këta, njoftuan drejtuesit e shkollës, se dy fëmijët e tyre, njëri 7 dhe 9 vjeçar nuk kanë ndjekur as një ditë shkollim.
Detaje për këtë rast dha edhe drejtori i shkollës “Pavarësia” Halil Braha.
“Sipas nënës të fëmijëve, fjala është për mungesë të një certifikatës së lindjes ngase ata nuk i kanë regjistruar me kohë kur kanë lindur dhe mungesa e kësaj certifikate i ka pamundësuar për tu regjistruar qoftë në shkollën tonë apo në shkollat ku do tjetër sepse një prej dokumentove bazike për më regjistrua fëmijët në shkollë është edhe certifikata e lindjes dhe kur ajo mungon, shkolla mund ta kthejë prapa deri sa ta sjelle”, ka thënë Braha.
Ky rast, habiti edhe drejtuesit e shkollës.
Për këtë, u kërkua një përgjigje edhe nga Ministria e Arsimit.
“Ne kemi kontaktuar zyrtarisht edhe Qendrën për Punë Sociale për të kuptuar nëse ka ndonjë problem të brendshëm familjar edhe Ministrinë e Arsimit për të kuptuar hapat ligjor se si të veprojmë me nxënësit ne po presim një përgjigje nesër, ku besoj veç se do të konfirmohet nga MASHTI se si të veprojmë me këto raste”, u shpreh tutje Braha.
E fat të njëjtë me fëmijën 7 vjecar, kishte edhe fëmija tjetër dy vjet më i madh.
As 9 vjeçari, nuk kishte shkuar kurrë në shkollë.
“Ne ju kemi bërë një test që në ditën kur kanë ardhur dhe nuk ka qenë dmth shumë prapa vajza, i njoft shkronjat, format e ndryshëm.. përveç kësaj kemi dy mësimdhënës të shkollës sonë që të mbajnë mësim plotësues për këta fëmijë në mënyrë që me përvetësu njohurit e para paralelisht me mësimin që do të mbajnë më mësuesit përkatës”, ka përfunduar Braha.
E njohësit e çështjeve të arsimit thonë se mësimi fillor, obligohet me ligj në Kosovë.
“Gjithsesi që duhet të dhënë mundësia që ata nxënës në një formë apo tjetrën më përkrahje të veçantë të u mundësohet do të thotë vijimi i mësimit. Por sa do të jetë efektiv varët nga puna që do të bëjnë mësimdhënësit dhe nga përshtatja e korikulës që ata të mund të zëvendësojnë ato pjesët që kanë kaluar .Mendojë që përgjegjësia bijë mbi prindërit por sigurisht kanë qenë rrethana të veçanta për ato raste që nuk kanë mundur të vijojnë mësimin”, theksoj Osmani.
Tëvë1 ka provuar t’i kontaktoj prindërit e fëmijëve, për t’i mësuar arsyet që çuan në vonesën e shkollimit të fëmijëve.
Por, të njëjtit nuk pranuan të flasin për televizionin.
E njëjtë ka vepruar edhe Ministria e Arsimit, e cila të mërkurën nuk ktheu përgjigje për hapat që pritet t’i marrin në këtë rast.
