Ministri në detyrë për komunitete dhe kthim, Nenad Rashiq nuk ka komentuar rreth deklaratave të presidentes, Vjosa Osmani e cila ka thënë se presidenti i SHBA-ve, Donald Trump, ka ndaluar një sulm nga ana e Serbisë.
Rashiq pas dështimit të 46-të të seancës konstituive të Kuvendit, tha se është diskutuar rreth çështjeve të tjera, por jo deklarata e Trump, duke theksuar se nuk i ka ato informata për një sulm nga ana e Serbisë.
“Deklarata e Trump nuk është diskutuar, por kemi diskutuar sa i përket fuqizimin e marrëdhënieve, stabilitetit gjithëpërfshirës në rajon, bashkëpunim më të thellë dhe ashtu me radhë. Besoj që me këtë nivel të administratës së Trump do të kemi një bashkëpunim edhe më të thellë. Nuk i kam pasur ato informata të cilat Trump po thekson se i ka pas”, tha Rashiq.
