Klubi turk Beshiktashi nuk e ka ftuar Milot Rashicën për ndeshjen e radhës në kampionatin turk, të cilën e zhvillon të premten mbrëma kundër Goztepes.
Janë gjashtë lojtarë që nuk janë ftuar nga trajneri Sergen Yalcin dhe në mesin e tyre është edhe mesfushori anësor iu Kosovës.
Rashica ka munguar në javët e fundit te skuadra nga Stambolli, por ai nuk ishte i ftuar as te Kosova për dy ndeshjet kualifikuese të Botërorit, në fillim të këtij muaji.
Siç raporton televizioni shtetëror turk, TRT, Milot Rashica nuk u përfshi në skuadër për shkak të rrezikut të lartë të lëndimeve. Ai është në fazën e shërimit të lëndimit, andaj klubi dhe trajneri kanë marrë vendim që ta pushojnë edhe për këtë ndeshje, në mënyrë që ai të rikthehet plotësisht i gatshëm për ndeshjet e radhës.
