Milot Rashica është rikuperuar nga lëndimi për t’u kthyer në stërvitje me skuadrën e Beshiktashit, kanë njoftuar të enjten mediumet turke.
Mësohet se Rashica pritet të jetë i gatshëm për ndeshjen e radhës, të cilën Beshiktashi e luan në kampionat këtë vikend.
Të shtunën prej orës 19:00, Beshiktashi luan në shtëpi kundër Istanbul Bashakshehirit, ndeshje kjo që i takon xhiros së pestë të Superligës së Turqisë.
Shkaku i lëndimit, Rashica mungoi në grumbullimin e Kombëtares së Kosovës për ndeshjet kundër Zvicrës dhe Suedisë në kuadër të kualifikimeve për Botërorin 2026.
Te Beshiktashi kanë vendosur ta mbajnë Rashicën këtë sezon, në të cilin ka 4 paraqitje në të gjitha garat.
Rashica ka kontratë deri në vitin 2027 me skuadrën e Beshiktashit.
